Lino kaj kanabo faris la riĉecon de Bécherel de la XVIa ĝis la XVIIIa jarcento; precipe la linofadeno konsiderata kiel la plejbona en Bretonio. Sed la angla blokado en la Imperiperiodo kaj la industria revolucio estis fatalaj al tiu malgranda komerca loko, plej alta punkto de la departemento Ille-et-Vilaine.<

Se la stratoj de la kanabejo (rue de la Chanvrerie), de la fadenejo (de la Filanderie), elvokas la teksan pasintecon de la urbo, la domoj de la nobeloj kaj de la komercistoj, kun belaj granitaj fasadoj, malkovras ĝian gravecon per siaj turetoj, siaj alstrataj pinjonoj aŭ per siaj zorgitaj ornamaĵoj (pilastroj, kornicoj kun modilono, lukoj kun frontono...).