Enfiksita inter du krestoj kun krutaj flankoj, piede de bela lago longa je kvar kilometroj, al Jugon ne mankas ĉarmo, kun ĝia centra ortograma placo, ĝiaj granitaj loĝejoj kaj ĝiaj fluantaj akvoj, kiuj ĝin vigligas.

Sereneco kaj trankvileco karakterizas tiun malgrandan vilaĝon, pri kiu malfacilas imagi, ke ĝi iam havis strategian rolon en la duklando. Du Guesclin, konestablo de Francio, ĝin konkeris en 1373, same kiel la duko Johano la Va (Jean V), en 1420, kiu malfortikigis ĝin aŭ kiel la duko de Mercoeur, kiu fortikigis ĝin en 1591, antaŭ ol Richelieu ternivele detruigis ĝin en 1616.