BRETAGNE-BREIZH-BRETONIO: Insulo Houat (Île de Houat)

En la mezolitiko, la insuloj Houat kaj Hoedic aspektis kiel granita kresto ligita al Quiberon. Nun, foraj je 15 km de la marbordo, ili estas disigitaj unu de la alia de la pasejo de Soeurs (Fratinoj).

Longa je 5 km, larĝa je 1,3 km, kun apenaŭ 400 enloĝantoj en vintro kaj preskaŭ 1000 en somero, Houat estas pli loĝata ol Hoedic. La plaĝo de Treac'h Er Goured, kiu ĉirkaŭas la pinton de Tal Er Hah, sin etendas laŭ la tuta orienta marbordo.

Konstruita post la detruo de la haveno Er Beg en 1951, Port-Saint-Gildas (Haveno sankta Gildaso) arigas, ĉiutage la tutan aktivadon de la insulo.