"Quae numerat numnos non est male stricta domus", ("Le logis qui compte ses besants, n'est pas mal à l'étroit" = "La loĝejo, kiu kalkulas siajn besantojn, ne estas malvaste"). Tio estas la devizo kun vortludo, kiu akompanas la blazonon de la urbo Malestroit - el faŭko kun naŭ besantoj el oro - kaj kiu atestas per la uzo de la vorto "besanto", bizanca mono, ke la sinjoroj de tiu loko estis irintaj militi sur la Sankta Tero.

Nun Malestroit estas malgranda dinamika urbo orientita al komerco kaj al maraj agadoj, konstruita ambaŭflanke de la rivero Oust, kiun superas multaj pitoreskaj pontoj. Mallarĝaj stratetoj konverĝas al la placo de Bouffay, kie staras la rimarkinda preĝejo Saint-Gilles kun duobla navo, gotikaj kaj renesancaj domoj kun lignaj strukturoj.