| |
|
La korea lingvo kun plezuro La korea alfabeto nomata "Hangulo" estis inventita en 1443 de la reĝo Sejong la Granda (1397-1450). La hangulo estas nek bazita sur malnova skribita lingvo nek imito de iu ajn signaro, sed alfabeto unika al Koreio. La hangulo estas scienca skriba sistemo, bazita sur lingvistika scio kaj filozofiaj principoj. Por la plej longa historio de Koreio, la koreoj uzis malnovajn ĉinajn ideogramojn (Hanja) por skribi. Sed ĉar la lingvoj de la du landoj apartenas al malsamaj lingvaj familioj, la ĉinaj ideogramoj ne estis taŭgis por skribi la korean lingvon. En la ĉina lingvo, frazoj estas kvalifikitaj per partikuloj, kiam la korea lingvo uzas sufiksojn por aldoni aŭ modifi signifon. Malgraŭ tiu malavantaĝo la konservativuloj de la superaj klasoj firme subtenis la uzon de la ĉina lingvo. La reĝo Sejong la Granda, kiu estis tre edukita, analizis la bazajn unuojn de la mezepoka korea parolado, utiligante siajn lingvistikajn konojn kaj sukcesis inventi novan alfabeton el 28 literoj. La bazaj konsonantoj estas skizaj desegnaĵoj de la homaj parolorganoj en la artikulacio de iuj sonoj. La aliaj konsonantoj estas faritaj per aldono de strekoj al tiuj 5 bazaj formoj.
La prononco de la aspira velaro "ᄏ" (k') estas pli forta ol "ᄀ" (k) kaj pro tio, ĝi havas plian streketon. Jen la konsonantoj de la hangulo:
La vokaloj estis faritaj laŭ la tri fundamentaj simboloj de la orienta filozofio:
Tiuj tri bazaj formoj estas kombinitaj por formi la aliajn vokalojn: ᅡ ᅣ ᅥ ᅧ ᅩ ᅭ ᅮ ᅲ Ĉiu konsonanto kaj vokalo reprezentas fonemon aŭ parolunuon, kaj kune konsistigas silabon. Por ekzemplo "달" ("luno" en la korea) konsistas el ᄃ (konsonanto), ᅡ (vokalo) kaj ᄅ (konsonanto). Resume la korea lingvo estas samtempe fonema kaj silabo lingvo. Tiel la korea lingvo estas multe pli facila ol la japana aŭ la ĉina lingvo. La reĝo Sejong, per la kreo de tiu alfabeto, kiam la intelektuloj kaj la korteganoj nur admiris la ĉinan lingvon kaj konsideris ĝin kiel la simbolon de moderna civilizacio, volis faciligi la edukadon de sia popolo. |
 |
Bibliotekoj de esperanto en la mondo :
Niaj amikoj :
Panier/korbo