En la kategorio 'objektoj'
Kio estas tio?
|
|
La olimpikoj : 1920-1936, de la
retrovita paco al la berlinaj olimpikoj
En
1914, la esperoj por olimpika kaj humanisma mondo frakasiĝis sur la
batalkampoj. La olimpikoj, antaŭviditaj en 1916 en Berlino, estis
nuligitaj, same kiel tiuj de 1940 kaj 1944. Ekde tiam la olimpikoj estas sub
la influo, iumaniere aŭ alimaniere, de la internacia politiko aŭ de la
konsekvencoj de la ekonomiaj situacioj.
1920 : Antverpeno : standardo kaj ĵuro
|
© CIO/COLL. MUSÉE OLYMPIQUE
|
|
Por
la unua fojo, la olimpika standardo flirtis super la olimpikoj, kiuj sekvis
la unuan mondan militon kaj tie oni aŭdis la olimpikan ĵuron. Germanio,
Aŭstrio, Bulgario, Hungario kaj Turkio ne estis invititaj pro sia rolo
dum la milito kaj Rusio malakceptis la inviton. Suzanne Lenglen ricevis la
unuan francan inan ormedalon en teniso.
|
1924 : Parizo : vintraj
olimpikoj
|
© CIO/COLL. MUSÉE OLYMPIQUE
|
|
Sen
esti kandidato, Parizo estis la urbo, kiu gastigis la olimpikojn en 1924,
omaĝe al Pierre de Coubertin, kiu, la sekvantan jaron, lasis la IOK-an
prezidantecon al Henri de Baillet-Latour. Francio organizis ankaŭ la
unuajn vintrajn olimpikojn en Chamonix. Germanio ankoraŭ ne estas
invitita al la parizaj olimpikoj, kiuj akceptis 3000 atletojn. La usonano
Johnny Weissmuller, estonta Tarzan en la kino, venkis en la 100metra libera
naĝo en 59 sekundoj.
© CIO/COLL. MUSÉE OLYMPIQUE
La usonano Clarence Houser estas la sola
duobla ĉampiono en la ĵeto de disko kaj de pezo en la historio de
la olimpikoj.
|
1928 : Amsterdamo : olimpika
flamo
|
© CIO/COLL. MUSÉE OLYMPIQUE
|
|
La
stadiono konstruita de la arkitekto Jan Wils estis sukceso. Por la unua fojo
oni ekfajrigis la olimpikan flamon. Germanio rajtis
konkursi. Inaj atletismaj kaj gimnastikaj konkursoj estis kreitaj. La duaj vintraj olimpikoj
okazis en Saint-Moritz en Svislando. Sonja Henie, tiam 15jara, tie estis la
ĉefrolulino, gajninte sian unuan titolon en arta sketado.
|
1932 : Los Angeles : unua
olimpika urbo
|
© CIO/COLL. MUSÉE OLYMPIQUE
|
|
La
olimpikoj okazis malgraŭ la ekonomia krizo, kiu sekvis la borsan falon
de 1929. Dezirante forgesi tiujn okazaĵojn, Kalifornio eĉ konstruis
100000-sidlokan stadionon, kaj veran olimpikan vilaĝon por loĝigi la
atletojn. Ĉinio kaj Kolombio partoprenis por la unua fojo. La dono de la
medaloj okazis sur podio je la sono
de la nacia himno de la lando de la venkinto. La usonanoj denove gajnis la
plejmulton de la medaloj en atletismo.
|
1936 : Berlino : sub la
nazia boto
© CIO/COLL. MUSÉE OLYMPIQUE
|
© CIO/COLL. MUSÉE OLYMPIQUE
|
|
Dum
4000 atletoj defilis antaŭ Hitlero dum la inaŭgura ceremonio,
kontraŭolimpikoj estis organizitaj en Eŭropo por protesti
kontraŭ la nazia reĝimo. Tio estis la unua internacia bojkota
kampanjo. En politika kunteksto peza je minacoj, Germanio plukis 33 orajn
medalojn, 26 arĝentajn kaj 30 bronzajn, kaj estis la gajninta lando de tiuj
olimpikoj, malproksime antaŭ Usono. Restas la memoraĵo de la
eksterordinaraĵoj de la nigra usona atleto, Jesse Owens. Nekontestebla
heroo de la olimpikoj, li gajnis 4 orajn medalojn, inter ili tiun de la
longosalto super la germano Long. Furioza, la gvidisto ("Führer") forlasis la
oficialan tribunon, rifuzante manpremi lin.
En 1936, la nigra usonano Jesse Owens sukcesegis, gajnante 4 orajn medalojn. Hitler rifuzis saluti lin.
|
|
© CIO/COLL. MUSÉE OLYMPIQUE
|
|
Televida
dissendo je la servo de la nazia propagando
|
|
Panier/korbo